--Ads--
Binagaan ni Pope Leo XIV ni Israel President Isaac Herzog a nasken nga addan ti dagus a ceasefire idiay Gaza.
Dayta ti napagpatangan dagiti dua idi bimmisita ti Israel President idiay Vatican.
Segun iti Vatican, mangnamnama ti Santo Papa a malpas ti riribuk gapu iti kumarkaron a sasaaden dagiti agindeg.
Malaksid iti dagus a pannakaited ti tulong ket nasken pay a mawaya-wayaan dagiti hostage iti agsinnumbangir a partido.
-- ADVERTISEMENT --
Maipalagip a namin-anon a daras a nagpanawagan ti Santo Papa iti peace talks.
