Manamnama a madischarge iti ospital ita nga aldaw ni Pope Francis a lumablaban iti pneumonia iti nasurok liman a lawas ngem masapul pay iti dua a bulan tapno aginana idiay Vatican kas kinuna ti mangidaulo ti medical team-na.
Na-admit ni Pope Francies iti Gemelli hospital idi February 14 gapu iti severe respiratory infection a nagbalin a most serious health crisis iti sangapulo ket dua a tawen a panagbalinna a Santo Papa.
Numan pay makasublin idiay Vatican ni Pope Francis ket adu pay iti maipaay nga aldaw tapno makuna a fully heal.
Nabilin nga aginana pay iti dua a lawas ken nabalakadan a saan pay laeng a mangisayangkat iti aniaman a taripnong babaen ti adu a grupo wenno kasapulan ti special effort.
Lablabanan ni Pope Francis iti double pneumonia nga agsagsagaba iti acute attacks iti respiratory crises bayat iti kaaddana iti ospital.
