VIGAN CITY – Naitabonen ni Pope Emeritus Benedict XVI iti St. Peter Basilica ket indauluan iti funeral mass ni Pope Francis.
Binendisyonan ni Pope Francis iti bangkay ni Pope Benedict XVI iti tabonna iti St. Peter’s Square, Vatican City.
Saan a sinarita ni Pope Francis ni Benedict babaen ti naganna ngem iti maudi a paset iti homily ket in-referna ken ni Hesus kas bridgegroom iti simbaan.
Para met kadagiti Pilipino nga adda idiay Italy a kas ken ni Bombo International News Correspondent Rochelle Alilio, dakkel a banag kadakuada iti makadar-ay iti punpon ti dati a santo papa ken makita iti maudi a gundaway babaen iti public viewing a nangrugi manipod iti Lunes.
Segun ken ni Alilio, nupay atiddog iti pila ket adu dagiti naganus ta uray nasapada ket inabotda iti dua nga oras tapno maleng makitada ni Pope Benedict iti maudin a gundaway.
