Idurduron ni Senate Committee on Basic Education Chairman Bam Aquino ti pannakailatang iti nayon a pondo para iti inspeksyon ken panagadal kadagiti public school building tapno masigurado ti kinatibker ken kinatalgedda.
Plano ni Aquino nga agpayawag ti panagdenggeg tapno maadal ti kinasagana dagiti pampubliko a pagadalan iti intero a pagilian nu kas bilang tumama iti ginggined kalpasan dagiti naglabas a panagdayyeg iti dadduma a lugar.
Segun ken ni Aquino, napateg a maammuan nu kasano kasagana ken katibker dagiti pagadalan iti panagtama iti napigsa a ginggined para iti kinatalged dagiti estudyante, mangisursuro, nagannak ken dadduma pay nga agtrabtrabaho kadagiti pagadalan.
Malaksid dayta, matratar pay iti plano nga imbestigasyon ti damage gapu iti naglabas a ginggined ken maar-aramid a panagtignay dagiti maseknan nga ahensya tapno masigurado a maaramat manen dagiti agad-adal dagiti apektado a pagadalan iti kabiitan a panawen.
