Impasigurado ni Senador JV Ejercito iti buo a suportarna iti pannakaipaay iti umdas ken agtultuloy a pondo para ti modernization program ti Armed Forces of the Philippines (AFP).
Dayta ket iti baet tiagtultuloy a panagkissay ti budget ken kumarkaro a pangta iti external security iti pagilian.
Iti panagdenggeg ti Senado iti singasing a pondo ti Department of National Defense (DND) ken dagiti maseknan nga ahensya, nagpanawagan ni Ejercito iti gobierno a siguradoen nga adda umanay ken agtultuloy a pondo a nakalatang tapno mapapigsa iti depensa iti pagilian nangruna iti baet ti tension idiay West Philippine Sea (WPS).
Kinuna ti senador a ti pakabuklan a 188 revised AFP modernization projects, limapulo ket siam laeng iti nalpas gapu iti pagkurangan ti pondo a gapuanan ti pannakadelay iti kaadda ti credible defense capability iti pagilian.
