--Ads--
Impaganetget ni Senador Francis Kiko Pangilinan a masapul a mairekord ken mailawlawag iti publiko no napanan na ti tunggal pondo nga inlatang ti gobierno para iti flood control projects iti pagilian.
Kagiddan daytoy iti panawagan ni Pangilinan para iti maysa a komprehensibo a national flood management plan bayat a makapadpadas latta ti pannaka-layus iti sumagmamano a lugar iti pagilian.
Masapul a mailawlawag no ania dagiti napondoan a proyekto, naka-implementaran na, mano ti nagastos, sino dagiti contractor, ania ti status ti implementasion ken no nagbalin daytoy nga epektibo.
Inaramid ni Pangilinan ti panawagan bayat nga agtultuloy a naka-apekto iti panaglayus iti klase, trabaho, negosio, ken transportasion iti sumagmamano a lugar.
-- ADVERTISEMENT --
