Namanipula ti polvoron video a naiwaras iti mismo nga aldaw ti SONA ni Presidente Ferdinand R. Marcos Jr.
Dagitoy ti natakuatan dagiti eksperto iti AI manipud iti Deepfakes Analysis Unit a paset ti Misinformation Combat Alliance a nakabase idiay India.
Nagaramat dagiti adda iti likudan ti polvoron video ket inusarda ti SensityAI tool ken nakitada ti ‘face swap’ manipulation a naaramid malaksid iti Hive tool a maus-usar iti video.
Naammuan a ti fact checker a mismo a ni Vera Files ti nangipatulod iti video iti India-based misinformation advocate tapno kitaenna ti video a maipagarup a naiwaras iti naudi nga State of the Nation Address (SONA) ti Chief Executive idi bulan ti Hulio.
Mainaig iti daytoy, kinuna ni Presidential Communications Office (PCO) Acting Secretary Cesar Chavez a rumrummuar a vindicated ti Presidente manipud kadagiti malicious individuals a mangikagkagumaan a mangdadael iti Presidente ken iti reputasionna.
