Pinasingkedan ti Department of Social Welfare and Development (DSWD) a saan a mabalin dagiti politician nangruna dagiti kumandidato inton sumaruno a tawen nga agiwaras iti aniaman a klase ti financial aid manipod DSWD.
Allukoyen ni DSWD Assistant Secretary Irene Dumlao iti publiko nga ireport dagiti panaglabsing iti existing guidelines iti panagiwaras ti tulong pakairamanan ti Ayuda sa Kapos ang Kita program wenno AKAP ken Assistance to Individuals in Crisis Situation.
Segun ken ni Dumlao, maibasar iti DSWD guidelines, dagiti laeng DSWD personnel iti mabalin nga agiruar ti tulong nga ipaay ti ahensya.
Dagiti paymasters-da ket DSWD personnel ken isuda laeng iti mabalin nga agpirma kadagiti dokumento.
Impalagip ni Dumalao ti 2021 memorandum circular inaig iti panangpapigsa ti partnership kadua ti stakeholders bayat ti election ken non-election periods a nakaipanan ti dadduma a guidelines iti panangisayangkat ti DSWD programs, kangrunaan ti pangiparit nga aramaten ti DSWD activities iti aniaman a banag a mangimpluwensya iti botos ti maysa nga umili wenno resulta iti eleksyon.
