Inlawlawag ti maysa a political analyst a saan a kasapulan a makemmeg wenno mabalud pay ni Vice President Sara Duterte sakbay a nagpiansa ta boluntaryo a simmango iti korte ken inasikasona a dagus ti panagpiansana.
Gapu dayta, saan payen a dimmalan iti police mugshot, uray no naaramid dagiti sumagmamano a booking procedures, agraman ti fingerprinting.
Iti pannaki-uman ti Bombo Radyo Vigan ken ni Atty. Michael Henry Yusingco, ti saan a gagangay a paset ti napasamak ket ti panawen ti panagpiansa ni VP Sara, ta Sabado a napan iti korte a nangiproseso.
Kunana a saan a gagangay a mapasamak daytoy kadagiti ordinaryo nga akusado nga awan ti nangato a saad wenno impluwensiana.
Inlawlawag pay ni Yusingco a paset iti legal a proseso ti panagpiansa ni VP Saraiti P360-K para iti tallo a bilang ti grave threats.
