Pinasingkedan ti maysa a Political Analyst a kwestyunable iti panakaipatugaw kas presiding officer ni Senador Chiz Escudero iti impeachment trial ni Vice President Sara Duterte ngem ibilangna nga epektibo ti nasao nga addang.
Iti pannaki-uman ti Bombo Radyo Vigan ken ni Prof. Dennis Coronacion, dua iti makitkitana a rason no apay a naipatugaw ni Escudero kas presiding officer – umuna ket isu iti panagbalinna nga abogado ken maikadua ket posible nga adda tulagan ni Escudero ken iti majority members sakbay pay iti panagakarna idi iti grupo.
Patien ni Coronacion a posible a kalikagum ni Escudero a masimpa dagiti kamalina idi napan a tawen maipanggep iti impeachment trial ni VP Sara.
Para kenkuana, adda iti punto ti nasao nga addang ta kayat ti mayorya nga adda legal background ti agbalin a presiding officer kumparar ken ni agdama a Senate President Sherwin Gatchalian a saan nga abogado.
Kinunana a makitkitana iti napintas a kalikagum ti nasao a pangngeddeng ta napaspas, efficient ken effective ni Escudero kas presiding officer iti rulings-na.
