Imbilin nii Philippine National Police Chief Gen. Rommel Francisco Marbil a saanen a kasapulan a dumalan ti drug test, psychological ken psychiatric examinations dagiti polis ken suldado a nakaala ti License to Own and Possess Firearms wenno LTOPF.
Segun ken ni Marbil, dayta ket para kadagiti aktibo a miembro ti PNP ken Armed Forces of the Philippines.
Naipatungpal ti panagbaliw iti aplikasyon iti lisensya dagiti paltog ta trained wenno sanayen dagiti polis ken suldado iti panagiggem iti paltog.
Inlawlawagna nga umanayen ti drug test ken psychological examinations kadagiti miembro ti PNP ken AFP iti serbisyoda kas requirements para ti LTOPF.
Iti bileg ti memorandum, masapul laeng nga ipresentar ti government issued identification cards dagiti polis ken suldado para iti processing iti firearm license-da.
Kabayatanna, dagiti civilian gun holder ket required latta a dumalan ti drug testing ken neuro-psychiatric evaluation tapno makaala ken makarenew iti lisensya.
