Binilin ni National Police Commission Commissioner Rafael Vicente Calinisan ti Monitoring and Investigation Service (MIS) nga imbestigaran ken kasoan ti administratibo ni Patrolman Francis Steve Tallion Fontillas gapu iti panangpolitika iti social media.
Segun ken ni Calinisan, maibasar ti post ni Fontillas ket adda pakainaigan ti partisan politics ti naaramid a mangipasimudaag a panaglabsing ti Primer on Personnel Decorum ken Code of Ethics ti Philippine National Police.
Nalawag a panangdadael ken panagbalin a malisyoso ni Fontillas dagiti post a maibilag nga inciting to sedition.
Impaganetget ni Calinisan a kas pannakabagi ti linteg ket adda limitasyon ti karbengan dagiti polis a mangibingay ti bukodda a kapanunotan ken opinyon tapno maliklikan ti aniaman a tignay a makadadael iti talek ti publiko.
