Polis a nangpapatay kadagiti missing sabungero, imbutaktak ni Julie Patidongan nga adda pakainaiganda iti war on drugs ti dati nga administrasyon

Pinasingkedan ni Julie Patidongan a dagiti polis a mapapati a karaman iti kaso dagiti mapukpukaw a sabungero ket adda pakainaiganna iti war on drugs iti napalabas nga administrasyon.

Dayta iti imbutaktak ni Patidongan kalpasan iti panagipilana iti reklamo kontra kadagiti polis nga adda pakainaiganna iti kaso ti missing sabungero iti National Police Commission.

Segun ken ni Patidongan, dagiti nasao a polis ti nabilin a pumatay bayat ti war on drugs ken mapapati a nabayadanda tapno dukoten ken patayen dagiti sabungero.

Ni Patidongan iti nangibutaktak nga imballengna dagiti mapukpukaw a sabungero iti Taal Lake a ti maitudtudo a mastermind ket ti negosyante a ni Atong Ang.