--Ads--
Pinasingkedan ti policewoman nga akin-kukua ti paltog nga inaramat ti agtawen sangapulo ket uppat a suspek iti pammaltog iti maysa a pagadalan idiay Tacloban City nga ilegal a sinerrek ti kanakanna ti pagtaengan ken pwinersa na a lukatan ti locker a nakaikabilan ti paltog.
Inaklon ni PSSg. Arla Ray Pacencia a plastic laeng ti gun box a nagyanan ti paltog na ken saan a safety vault nga isu ti pagibasaran iti husto a panagannad ti armas.
Segun ken ni Pacencia, mamati isuna a natalged ti paltog na gapu ta isu laeng ti agnanaed iti pagtaengan na.
Maipalagip a ti paltog ti nadakamat a pulis ket isu iti inaramat ti agtawen sangapulo ket uppat a suspek iti pammaltog a nakatayan ti tallo nga estudyante.
-- ADVERTISEMENT --
