VIGAN CITY- Nakafull alert status dagiti police station iti intero a probinisya tapno malapdan dagiti posible nga aktibidad dagiti rebelde a grupo ken mapagtalinaed ti linak ken talna kalpasan iti napasamak a panagraut kadagiti nadumaduma a paaset ti pagilian .
Segun kenni PSupt. Jugith Del Prado, hepe ti Vigan City police station, ti nasao a mandato ket nagapu iti Ilocos Sur Police Provincial Office (ISSPO) ket naiyetnag idi kalman isu a na-recall amin a police officer a nakabakasyon nga agreport kadagiti police station
nakikinammayeten ti PNP kadagiti barangay officials tapno agalerto ken ireport da kadagiti otoridad no adda dagiti mapaliiw da a baro a sangsangaili kadaigit lugar da a mapagduduaan ti garaw da
kabayatanna, idiay ili ti bantay ket pinatalgedan ni P/Insp. Jovito Rabang ,deputy COP ti Bantay Municipal police station, a nainget ti panagbantay da kadagiti pampubliko a lugar nangruna ti power plant ti National Grid Corporation of the Philippines(NGCP) tapno malapdan ti dakes a plano dagiti nadumaduma a grupo.
