VIGAN CITY – Inikkaten ti Philippine National Police (PNP) ti “police security” kadagiti VIP kas maitunos iti baro a polisiya.
Segun ken ni PNP chief Police General Rommel Francisco Marbil, nagbaliw ti polisiya sipud nagtugaw a mangidaulo iti nasao nga ahensia.
Nakailanad iti polisiya a saan a rumbeng a maipaayan iti VIP protection ti siasinoman gapu ta saanda a trabaho no di ket mangipaay ti seguridad kadagiti adda pangtana iti biag.
Karaman kadagiti nadakamat ti nasao nga opisial a saan a kasapulan a maipaayan iti “special treatment” ket dagiti baknang a tattao a mangpanpanunot a puntiria dagitoy dagiti dadduma a tattao.
Kasaruno ti napasaranna itay kallabes a panangipaay ti seguridad ti maysa a Chinese paturong iti hotel a nagdagusanna.
Aklonenna a saan a naragsakan gapu ta nagserbi ti maysa a kameng ti pulisya a nangawit iti bagna.
