VIGAN CITY – Ti Region 1 ti kangatoan iti panangiyemplementar ti One time Bigtime service of warrant arrest iti intero a pagilian
Iti pannakiuman ti Bombo Radyo Vigan kenni Information Officer iti Policre regional Office 1 PLT. Col George Depalog, ti nasao a pograma ket inpatungpal ti PNP Chief iti intero a pagilian ta kayatna nga amin a wanted persons ket sangwenda dagiti naikaso tapno mapagtalianed ti kinatalged dagiti umili
Inyunay-unay na a saanna kayat a saw-en a gapu a ti region 1 ti kangatoan iti panangiyemplementar ti programa ket ado iti bilang dagiti sumangsango ti kaso nu di ket nagaggaget laeng dagiti kapulisan iti Region 1 nga ipatungpal wenno sumurot iti programa nu yarig kadagiti dadduma a rehiyon
Innayonna a 450 a warrant of arrest ti naiserbin ti rehiyon ket pagyamananna a saan a kas kadagiti dadduma a natutured dagiti kriminal a lumaban iti otoridad tapno saan a matiliw a kas iti napasamak idiay Maguindanao
Innayonna a numanpay awan ti tao iti lugar a pangiserbian ti warrant of arrest ket adda latta iti mangmonmonitor kadakuada uray sadino man iti papananda ta ada dagiti nadutukan a trackers kadagiti tattao nga adda kaso na
