VIGAN CITY – Ingunamgunam ni Police Regional Director PBGen. Rodolfo Azurin a saan a tatta ti kasayaatan a tiempo tapno agpapinnabasul no di ket kasapulan ti panagtitinnulong tapno magun-od ti hustisia iti pannakatay ti menor de edad a babai idiay Daclapan, Cabugao a mapapati a pinaltugan ken rinames dagiti dua a pulis ti San Juan Municipal Police Station.
Nangipilan ti dua a bilang ti kaso a rape ti imbestigador ti Women and Children and Protection Desk kontra ken ni PSSg. Marawi Torda ken ni PSSg. Randy Ramos idiay Department of Justce, Manila.
Kaso nga Obstruction of Justice iti naipila kada PCpt. Ramil Llarenas, PSsg. Merly Joy Pascua ken Brgy. Captain Ricardo A. Quilala.
Kabayatanna, na-relieve iti pweston ken maidalan iti retraining dagiti kameng ti Cabugao ken San Juan Municipal Police Station.
Malaksid iti dayta, inrugin ti Regional Crime Laboratory Office 1 ti ballistic examination iti personal a paltog ni PSSg. Ramos
Saan pay laeng a maipasigurado no kaano ti panagsublida kadagiti nakaidestinoanda ta maidalanen iti screening dagiti personnel a maidestino iti Ilocos Sur Police Provincial Office.
