Imbilin ti National Police Commission (Napolcom) iti pannaka-ikkat ti maysa a police officer gapu iti panag-postna iti sexually suggestive ken indecent content iti social media.
In-upload ni Police Staff Sergeant Alexis Karil O. Sabater, a mangar-aramt iti “Semi Pogi,” dagiti video iti nagbaetan iti Abril ken Hunyo 2025 a mangipakita iti tignay nga inladawan ti Napolcom a mangibaba kadagiti babai.
Makita kadagiti video iti panangtungpana iti maysa a babai, panangpilitn a mangan, simulation sexual acts ken panagaramat iti uniporme iti polis nga awan ti pammalubosna
Adda pay iti videos ni Sabater a nakasuot iti uniporme iti polis ken nagpayam-ammo nga aktibo a miembro iti PNP uray saan a karaman kadagiti opisyal a content creator wenno vlogger iti PNP.
Segun iti Napolcom, nalawag a panaglabsing dayta iti rebbeng nga ugali ken garaw a manamnama iti maysa a PNP personnel.
Nasentensyaan a guilty iti “conduct unbecoming of a police officer” ni Sabater ken naipataw iti permanente a pannaka-ikkatna iti serbisyo.
