Kinumpirmaran ti Philippine National Police (PNP) a maysa kadagiti police general a nangibilin ti pannakakemmeg ti mapapati a mishandling ti P6.7 billion drug haul idiay Tondo, Manila idi 2022 iti pimmanaw iti pagilian.
Segun ken ni Brig. Gen. Jean Fajardo a PNP Spokesperson ken Central Luzon Police Director, ti star-rank officer a saanen a nainaganan ket pimmanaw iti pagilian idi January 8 sakbay nga inruar ti Manila Regional Trial Court Branch 44 iti warrant of arrest-na inaig iti mapapati a pannakaala kenkuana kadahiti illegal a droga.
Dagiti dua a heneral a mainanaig iti kaso ket da Lt. Gen. Benjamin Santos ken dati a PNP Drug Enforcement Group director Brig. Gen. Narciso Domingo.
Ni Santos ket karaman iti 30 police officers a naibilin a makemme iti panaglabsing ti Comprehensive Dangerous Drugs Act kangrunaan iti pannadelay iti presecution dagiti kaso.
Inrekomendar ti korte iti pyansa a sag-P200,000 tunggal defendants.
Cleared ni Santos iti panagimula iti ebidensya iti Manila Regional Trial Court Branch 175 gapu iti kurang nga ebidensya.
Kinuna ti korte nga awan ti witnesses wenno admission manipod dadduma pay a defendants iti direkta a mainanaig ken ni Santos iti aniaman a conspiracy.
Gapu ti pannakairuar ti warrant of arrest ket kinuna ni Fajardo nga adda pay sabali nga optionda tapno mapasubli ni Domingo karamanen ti pannakikammayet iti International Criminal Police Organization wenno Interpol para iti pannakairuar ti red notice alert.
Duapulo manipod duapulo ket siam nga aktibo, retirado ken resigned police officers iti adda iti adda iti kustodiya dagiti ototidad idinto a siam iti masapsapul pay laeng.
