--Ads--
Binilin ni Philippine National Police Chief Gen. Jose Melencio Nartatez Jr. dagiti police commander a pabilgen ti monitoring ken deployment kadagiti nalayus a kalsada ken expressway tapno matulongan dagiti stranded a motorista.
Dayta ket kalpasan ti nakaru a layus iti North Luzon Expressway idiay San Simon, Pampanga a nangitunda iti mano a kilometro a pila ken nabayag a pannakaipit dagiti biahero.
Karaman iti pammilin ti panangtulong kadagiti stranded a motorista, panangted dalan kadagiti emergency vehicle, ken pannakibinnulig kadagiti LGU ken expressway operators. Nabalakadan met ti publiko a liklikan ti saan a kasapulan a biahe ken suroten dagiti traffic ken safety advisories dagiti otoridad
