Naiyetnagen ti security measure tapno salakniban dagiti South Korean nationals iti pagilian iti baet ti maar-aramid a krimen kontra kadakuada kas kinuna ti Presidential Anti-Organized Crime Commission (PAOCC).
Karaman iti inisyatiba ket ti pannakayetnag ti tourist security desks kadagiti police stations nga ayan ti South Korean communities.
Segun ken ni PAOCC executive director Gilbert Cruz, kaaddoan a South Korean ket masarakan idiay Manila, Parañaque ken Angeles City, Pampanga.
Naisayangkat ti panagsarita da Executive Secretary Lucas Bersamin a chair iti PAOCC kaduana dagiti mangibagi ti Korean consulate idi May 16 tapno tignayan ti krimen a mangtartarget kadagiti South Koreans a mangitunda ti pangta iti tourism ken economic stability iti pagilian.
Nupay saan a naibaga ti bilang ket kaaddoan kadagiti krimen a naaramid kadagiti South Koreans ket ti robbery, theft, scamming ken murder.
