VIGAN CITY – Dua gasut ket lima pulo ribo a pisos a gunguna iti ited ni dati nga Ilocos Sur governor – Narvacan Mayor Luis “Chavit” Singson kadagiti miyembro ti Philippine National Shooting Association (PNSA) a makaala iti balitok a medalya ti 30th Southeast Asian Games a pormal a mangrugi inton bigat, November 30.
Ti pannaki-uman ti Bombo Radyo Vigan, nadakamat ni Singson nga isu ti presidente ti PNSA, ti nasao a gatad ket pangallukoy na kadagiti Pinoy shooters a makagun-od iti adu a balitok a medalya tapnu maibati ditoy pagilian iti over-all championship title iti nasao a regional biennial meet.
Makibinnalubal dagiti Pinoy shooters iti rifle, pistol, metallic silhouette, practical shooting ken trap and skeet events ti shooting competition ti SEA Games.
Malaksid iti nasao a gatad, immun-unan a nangted ni Singson ti dua gasut ket lima pulo ribo a pisos a nayon iti pondo ti PNSA para iti nasao a sporting competition.
Karaman iti line up dagiti Pinoy shooters para ti SEA Games dagiti trap shooters a da Carlos Carag kenni Hagen Topacio nga agpadan a nakastrek ti Tokyo 2020 Olympics; Eric Ang, Jayson Valdezm Amparo Acuña, Denise Basila, Sean Jayfred Ocampo, Shanin Lyn Gonzales, Juliette Rose Arellano, Marcelo Gonzales kenni Angelo Michael Fernandez.
