Naka-full alert dagiti kapolisan iti siudad Vigan para iti mapaspasungadan a May 12 Midterm elections.
Iti pannaki-uman ti Bombo Radyo Vigan ken ni PLt. Col. Reynaldo Mendoza Jr. iti Vigan City Police Station, addan dagiti nakadeploy a polis a mangmenmentenar iti linak ken talna iti siudad para iti naannayas a panagpipili.
Segun ken ni Mendoza, idi laeng Domingo ket simmangpeten dagiti balota ken election paraphernalias a maaramat para inton eleksyon nga inawat dagiti opisyal ti Comelec Ilocos Sur.
Inton kaaldawan iti panagpipili ket adda dagiti PNP personnel nga agbantay tunggal presinto iti duapulo a Polling Precint iti siudad kaduada dagiti barangay officials, barangay tanod.
Nu iti biang met iti panagasikaso kadagiti agbotos ket katinnulong ti PNP dagiti local government unit, barangay officials ken volunteers.
