--Ads--
Pinainget ti Philippine National Police ti operasionda kontra kadagiti agpampammarang a kameng ti Department of Public Works and Highways (DPWH).
Segun iti PNP, adda dagiti nagpammarang a kameng ti DPWH tapno mangloko kadagiti komunidad a naapektaran iti magnitude 7.8 a gingined idiay Mindanao.
Imbilinen ni PNP Chief Gen. Jose Melencio Nartatez Jr. ti naing-inget a panagbantay ken koordinasion kalpasan a nagruar dagiti report maipanggep kadagiti scammer a nagpammarang nga inspector ken project evaluator ti gobierno.
Impasigurado met ti PNP a matiliw ti amin a karaman iti pananglimlimo kadagiti biktima ti didigra.
-- ADVERTISEMENT --
