Target ti Philippine National Police (PNP) ti panangkissay iti oras ti panagresponde kadagiti insidente manipud sangapulo ket lima a minutos agingga iti lima a minutos.
Daytoy nga addang ti gobyerno ket tapno mapapigsa ti emergency 911 service ti Department of Interior and Local Government a mairugi iti Metro Manila ken mapalawa iti intero a pagilian.
Mainaig dayta, kiniddaw ti Emergency 911 National Office executive director Francis Fajardo iti NGA 911 wenno Next Generation Advanced 911 a mangipaay iti PNP iti patented call handling system-da.
Segun ken ni Robert Llaguno, country head ti NGA 911, mangidiaya iti digital, internet protocol (IP)-based system a mangsukat iti analog 911 infrastructure.
Ti PNP ket suboken ti NGA 911 call handling system ken mairaman ti hardware, software, data ken amin a wagas ken polisia.
Karaman kadagiti unique features ti NGA ti abilidadna a mangipaay iti eksakto a lokasion dagiti tumawtawag.
