Suportaran ti Philippine National Police (PNP) ti natalged ken naurnos a panangipatungpal manen iti No Contact Apprehension Policy wenno NCAP iti Metro Manila partikular iti Manila, Quezon City, Valenzuela, Parañaque, Muntinlupa, ken San Juan manipod Lunes, October 5.
Segun ken ni PNP Chief General Jose Melencio Nartatez Jr., respetaren ti PNP ti desision nga isubli ti NCAP ken allukoyenda dagiti motorista a sumurot kadagiti paglintegan iti trapiko ken ammuen dagiti baro a lokal nga ordinansa.
Inallukoy pay ni Nartatez dagiti motorista nga usarenda ti husto a channel ti lokal a gobierno tapno i-verify dagiti nairekord a panaglabsing.
Ti pannakaipatungpal manen ti NCAP ket kalpasan ti desision ti Korte suprema a waswasen ti petision a mang kwestion kadagiti ordinansa maipanggep iti NCAP iti nasao nga lugar di June 3, 2026.
