Impakaammo ti Philippine National Police ti buo a suporta da iti direktiba ni Presidente Ferdinand Marcos Jr. nga agaramid ti plano kontra iti money laundering ken financing ti terorismo.
Segun ken ni PNP Chief Police Gen. Jose Melencio Nartatez Jr., nakasagana ti kapulisan nga ipatungpal ti investigative powers da iti Anti Money Laundering Council tapno masigurado nga awan ti papanan ti dirty money.
Ti bilin ni presidente Marcos iti salinong ti Memorandum Circular 113 ket naikeddeng ti AMLC a mangted ti technical ken administrative support, mang-set ti timeline ken bantayan ti compliance dagiti ahensia iti panangbukel ti National Anti-Money Laundering and Counter-Terrorism/Proliferation Financing Strategy (NACS) para iti 2026–2030.
Papigsaen pay ti PNP ti inter-agency cooperation, data sharing, ken joint operations kasta met ti digital infrastructure ken tools tapno nadardaras a maamuan ti mapagduduaan a financial transactions ken cross-border alerts.
