VIGAN CITY – Sangapulo ribo a pisos iti indiaya ti Sto. Domingo municipal police station a gunguna nu siasinu man iti makaitudo kadagiti suspek ken makatulong iti pannakasolbar iti panagtakawan a napasamak idiay Barangay Parada, Sto. Domingo a ti biktima ket ni Atty. Orville Palisoc nga agtawen iti uppat a pulo ket maysa a maysa a prosecutor.
Natalek met ni Police Captain Christopher Ramat, hepe ti Sto. Domingo PNP, a masolbar da iti nasao a panagtakawan ta adda iti tallo a person of interest nga im-imbestigaran da itatta a taga- Sto. Domingo met laeng.
Ti reward money ket aggapu ti PNP – Sto. Domingo isu a nu siasinu man iti adda ammo na iti nasao a pangatakawan ket makikinnammayet da laeng kadagiti pannakabagi ti linteg iti ili.
Dagiti natakaw iti uneg ti pagtaengan ni Palisoc ket isu iti maysa a curved television, laptop ken dua a pungan a maris – nalabaga.
