Awan ti ipatungpal ti Philippine National Police a balasaan kadagiti nangato nga opisial ti kapulisan kalpasan ti promosyon ni PNP Chief General Jose Melencio Nartatez Jr. kas four-star general ken panagbalin a full-fledged chief ti kapulisan.
Segun ken ni Nartatez, pagtalinaedenna ti kinatibker iti uneg ti organisasyon, numan pay inyunay-unayna a dagiti panagbalbaliw iti panangidaulona ket paset iti normal a taray ti serbisio iti kapulisan.
Innayon ti PNP chief nga agtalinaed dagiti agdama a pagannurotan kontra iti krimen ken para iti kinatalged ti kagimungan.
Daytoy ket kas mayataday iti pammilin ni Presidente Ferdinand Marcos Jr nga agtalinaed ti kappia ken urnos, maibaba ti krimen, ken mapabileg ti propesyonalismo ken disiplina iti uneg ti PNP.
