Pinaingetan ti Philippine National Police ti panangsalwad kadagiti konsyumer ken ti kinatalged ti publiko iti baet ti ngumin-ngina a karne ken nateng mano a lawas sakbay ti Paskua.
Segun ken ni PNP Chief PLt. Gen. Jose Melencio Nartatez Jr., nangideploy ti PNP iti nayon a personnel kadagiti public market, supermarket, ken wet market tapno maliklikan ti hoarding, profiteering, ken panic buying.
Mangisaysayangkatdan iti strategic operations kontra kadagiti nairaman iti aktibidad a nanggundaway kadagiti umili ita a Holiday season babaen iti pannakikammayetda kadagiti maseknan nga ahensia.
Dagiti addang ket maitunos iti pammilin ni Presidente Ferdinand Marcos Jr iti PNP ken Interior and Local Government Secretary Jonvic Remulla, tapno masalwadan dagiti konsyumer kagiddan ti panangipasiguradoda a saan a mataktak ti access-da kadagiti essential goods.
