Umaboten ti 740 personnel iti Philippine National Police (PNP) ti nadeploy iti probinsia iti Abra kasangwanan iti May 2025 elections.
Iti pannaki-uman ti Bombo Radyo Vigan ken ni PLt. Col. Daniel Pel-ey manipod Abra Police Provincial Office, ti augmentation ket nakurang tallo gasut a PNP personnel iti naggapu iti Regional Office ken dadduma a Police Provincial Office iti Cordillera Administrative Region.
Segun ken ni Pel-ey, dagiti nasao a polis ket naideploy kadagiti polling precinct tapno agbantay agingga madanon iti panagpipili.
Impaganetgetna a nasaysayaat nga adu dagiti pannakabagi ti linteg nga agbantay ita a panagpipili tapno masigurado a natalged dagiti umili.
Nu iti ruar kadagiti polling precinct ket katinnulongda ti Philippine Army a mangkita iti kinatalged dagiti umili iti nasao a probinsia.
Iti agdama ket tallo nga ili iti nakaibayog iti orange category kagiddan ti eleksyon idiay Abra pakairamanan ti ili ti Pilar, Bangued ken Bucay.
