Saan nga agsarsardeng ti Philippine National Police (PNP) ti panangkemmeg ken ni Senador Ronald Bato dela Rosa.
Segun ken ni PNP Chief PGen. Jose Melencio Nartatez Jr., amin nga impormasyon a nakalapda ket napagtitipon tapno nadaras a makemmeg ti pugante a Senador a sumangsango iti crimes against humanity manipod iti International Criminal Court (ICC) gapu iti war on drugs idi panawen ni dati a Pres. Rodrigo Duterte.
Siguradoen ti PNP nga adda pay laeng iti Pilipinas ti senador.
Kinuna ni Nartatez nga amin nga asideg a gagayyem ken kabagyan a kanayon a kadua ti senador ket sapsapulenda tapno mapadaras iti pannakakemmegna.
Immunan a nagwaras iti damag a nakemmegen ti senador ngem pinaglibakan ti Department of Justice (DOJ), Department of the Interior and Local Government (DILG) ken Philippine National Police.
