Nanayunan ti deployment ti Philippine National Police (PNP) kagiddan ti panaglagip ti maika-uppat a pulo nga EDSA Revolution Anniversary ita nga aldaw.
Manipod iti 13,000 personnel, ket nagbalin a 14,900 a polis iti naideploy a mangsigurado iti kinatalged iti maisayangkat a gatherings iti Edsa White Plains, People Power Monument ken dadduma pay a lugar a posible a papanan dagiti dadduma a grupo nga agrally kas iti Ayala bridge idiay Manila.
Segun ken ni Director for Operations PBGen. Ponce Rogelio Peñones, ngimmato pay iti manamnama a dumar-ay ta manipod iti maibagbaga a 20,000 ket nagbalin a nasurok-kumurang 30,000.
Innayon ni Peñones a nakabantay iti kapulisan kadagiti grupo a posible a gappuanan iti gulo.
Iti agdama ket awan iti makitkita a pangta iti kapulisan ngem siguradoenda nga agtultuloy iti panagbantayda iti gathering.
