Nakatutoken ti operasyon ti Philippine National Police (PNP) iti panagsagana iti seguridad iti umadanin a Piesta ti Itim na Nazareno inton January 9 kasaruno iti nakappia a holiday season.
Segun ken ni Acting PNP Chief Lt. Gen. Jose Melencio Nartatez Jr., lepleppasenen ti Manila Police District dagiti security protocol para ti Traslacion.
Manipod pay January 2 ket naideployen dagiti polis iti barangay visitation idiay Quiapo District, iti panagbendisyon kadagiti replica iti Jesus Nazareno, iti panagsukat ken dagiti misa iti bigat ken iti piesta.
Mainaig dayta ket mangmangrugin ti koordinasyon ti PNP iti siudad ti Manila iti simbaan iti Quiapo ken iti amin nga stakeholders.
Maipalagip a 15,000 a polis iti nakaituding a maideploy iti intero a siudad ti Manila ken kaasidegna a lugar para iti Traslacion.
Kabayatanna, awan iti namonitor iti PNP nga aniaman a pangta iti nasao a relihiyoso a panagrambak ngem nainget iti panagbantayda.
