--Ads--
Impasigurado ti Philippine National Police nga arigna kompleton ti panagsagana iti seguridad para iti umadani nga impeachment trial ni Vice President Sara Duterte iti Senado.
Segun ken ni PNP Chief Gen. Jose Melencio Nartatez Jr., malaksid iti National Capital Region Police Office, mabalin pay ti agideploy iti nayon a pulis tapno masigurado ti kinaurnos iti aglawlaw ti Senado ken masuportaran ti regular a seguridad iti lugar.
Agtaltalinaed a nakadeploy dagiti pulis iti Senado sipud pay idi Mayo 11, ken nanayonan ti bilangda bayat a kumarkaro a patangan iti impeachment.
Agtultuloy a makikamkammayet ti PNP iti Office of the Senate Sergeant-at-Arms tapno masigurado ti naurnos a pannakaipatungpal ti seguridad iti uneg ken ruar ti Senado.
-- ADVERTISEMENT --
