--Ads--
Nakasaganan ti intero a Philippine National Police (PNP) para iti manamnama a panagsubli dagiti biahero ita a lawas kalpasan ti Holy Week.
Segun ken ni PNP Chief PGen. Jose Melencio Nartatez Jr., binilinna amin a police commanders a pagtalinaeden a natibker ken aktibo dagiti presensya ti kapulisan kadagiti kangrunaan a kalsada ken uray kadagiti transportation hubs tapno masigurado ti kinatalged dagiti pasahero.
Pinasingkedan ti hepe a ti intero a Holy Week ket nagbalin a nakappia uray adda dagiti nairekord a nalmed ken sumagmamano nga aksidente iti kalsada ket siguradoenna nga awan iti insidente a makaapektar iti pakabuklan a latag a seguridad ken panagsagana iti Semana Santa.
