--Ads--
Nakasagana ti Philippine National Police nga agbantay iti manamnama nga impeachment proceedings kontra ken ni Vice President Sara Duterte.
Segun ken ni PNP Spokesperson PBGen. Jean Fajardo, numan pay political exercise ti proseso, tutukan ti kapulisan ti panangpatalinaed ti kappia ken kinaurnos.
Innayon ni Fajardo a nakaalerto ti PNP iti aniaman a kilos protesta, pabor man wenno kontra iti impeachment.
Kabayatanna, nagpalagip ti PNP iti publiko a pagpannurayenda ti disiplina ken respeto iti linteg.
-- ADVERTISEMENT --
Iti agdama, agtultuloy ti koordinasyon ti PNP kadagiti nadumaduma nga ahensia ti gobierno tapno masigurado a naurnos ken nakappia ti impeachment proceedings.
