--Ads--
Impasigurado ti Philippine National Police ti kinasaganada iti tallo nga aldaw a transport strike manipud Disyembre 9 agingga 11.
Segun ken ni PNP Acting Chief Lt. Gen. Jose Melencio Nartatez Jr., nakasagana dagiti mobility team ken assistance unit tapno tulongan dagiti maapektaran a commuter.
Agbantay pay dagiti pulis kadagiti lugar iti protesta ken kitaenda dagiti lugar nga agkasapulan iti nayon a transport support.
Nabilin payen dagiti police commander a makikammayet kadagiti lokal a gobierno ken ahensia para iti naurnos ken natalged a protesta.
-- ADVERTISEMENT --
Immunan a dinakamat ti transport group a Manibela a ti transport strike ket kas panangkontra iti nalabes a muelta ken nabuntog a panangiproseso ti gobierno kadagiti dokumento.
