Nakasagana ti Philippine National Police a mangipaay iti tulong iti International Criminal Police Organization (Interpol) no kasapulan a mairuar ti sabali pay a warrant of arrest kontra kadagiti co-perpetrator ni dati a Presidente Rodrigo Duterte maipanggep iti nadara a war on drugs ti administrasyonna.
Segun ken ni PNP Spokesperson Police Brigadier General Jean Fajardo, awan pay ti naited nga impormasyon kadakuada mainaig iti daytoy a banag ngem impasiguradona a ti PNP ket adda ‘template’ da iti panangiserbi iti posible a warrant of arrest kadagiti indibidual a nainaig iti drug war.
Maipalagip a Martes idi napan a tawen ket inserbi dagiti otoridad ti warrant of arrest manipud ICC kontra ken ni Duterte para iti kaso a crime against humanity nga adda pakainaiganna iti nadara a kampanya ti dati a presidente kontra iti iligal a droga a nagresulta iti pannakatay dagiti innem a pulo a ribo a tattao.
Iggem ita ti ICC ti dati a presidente idiay The Hague, Netherlands, napasamak met ti first appearance-na idi Biernes, babaen iti video link.
