--Ads--
Nakakumpiskar ti Philippine National Police iti P20.7 billion a gatad ti iligal a droga iti bloodless anti-illegal drugs campaign iti pagilian ita a tawen.
Segun ken ni PNP chief Gen. Rommel Francisco Marbil, ti gatad ket manipud Enero 1 agingga Disyembre 15 ita a tawen, katukad iti 101 percent nga ingangato iti iligal a droga a nakumpiskar iti isu met laeng a panawen idi 2023.
Innayonna a ti walo a metriko tonelada ti nakumpiskar nga iligal a droga ket pakairamanan ti shabu, marijuana, ecstasy, cocaine, ketamine, ken kush.
Ti Police Regional Office 4A CALABARZON region ti kaaduan ti nakumpiskar ta adda P9.9 billion a gatad ti nakumpiskar a droga.
-- ADVERTISEMENT --
