--Ads--
Umaboten iti nasurok P1.22 milion a gatad ti iligal a palpalibang ti nakumpiskar ti Philippine National Police, tallo nga aldaw sakbay ti bisperas ti Baro a Tawen.
Segun iti PNP, nakumpiskar ti 79,953 a piraso ti iligal a palpalibang a mapatta-patta nga aggatad iti P1,224,909 agingga iti alas syete iti agsapa idi Domingo.
Karaman ditoy dagiti palpalibang manipud kadagiti tiendaan, roadside vendors, ken checkpoints.
Iti intero a pagilian, adda ti 765 a firecracker zone nga indatag dagiti lokal a gobierno a bantayan dagiti 1,655 a personnel, idinto nga adda 741 a community firework display areas nga adda 1,992 a personnel nga agbambantay.
-- ADVERTISEMENT --
