Pinabileg ti Philippine National Police ti panagbantayda kadagiti amin nga airport ken pantalan iti pagilian tapno malapdan iti posible nga ipapanaw ni Atong Ang.
Dayta ket iti baet ti sangsangwen a warrant of arrest ni Ang iti kaso a kidnapping with homicide ken kidnapping with serious illegal detention nga adda pakainaiganna kadagiti mapukpukaw a sabungero.
Imbilin ni PNP Acting Chief PLT. Gen. Jose Melencio Nartatez Jr ti naing-inget a koordinasyon iti Bureau of Immigration kas paset iti manhunt.
Inallukoyna pay ni Nartatez a sumuko laengen, nangruna ta ipapilitna nga awan ti basulna.
Segun iti PNP, naka-heightened alert dagiti amin nga exit points ken naka-activate payen dagiti tracker team ken intelligence unit-da tapno masigurado a saan a makaruar iti pagilian ni Ang.
