--Ads--
Naka-full alert status dagiti amin a unit ti Philippine National Police (PNP) iti intero a pagilian mangrugi ita nga aldaw, Biernes agingga Nobiembre 3,
Dayta ket kas panagsagana iti manamnama a panagadu dagiti bumisita iti kamposanto ken dagiti biahero ita nga Undas 2026.
Segun ken ni PNP Deputy Chief for Administration Lieutenant General Wilson Lopez, umabot iti 141,000 pulis ken dagiti augmentation personnel ti maideploy tapno masigurado a natalged ken naurnos ti panangrambak iti Undas.
Malaksid kadagiti kamposanto, nainget pay a mabantayan dagiti residential area ken commercial establishment tapno maliklikan dagiti krimen bayat nga awan dagiti agindeg kadagiti pagtaenganda.
-- ADVERTISEMENT --
