Nagpalawag ti Philippine National Police kadagiti pammabalaw ti netizen no apay a na-blur dagiti mugshot da Kingdom of Jesus Christ founder Apollo Quiboloy ken dagiti uppat a kaduana nga akusado a da Jackielyn Roy, Cresente Canada, Ingrid Canada ken ni Sylvia Cemañes.
Segun ken ni PNP PIO Chief PCol. Jean Fajardo, ti panang-blur kadagiti mugshot ken panangikkat iti nagan kadagiti mugshot ket kas panangsurot iti pammilin ti Commission of Human Rights tapno masalwadan ti dignidadda ta isuda ket “presumed innocent” agingga a mapaneknekanda a guilty.
Innayon ni Fajardo a kastoy met laeng ti ar-aramidenda kadagiti dadduma nga akusado kadagiti naglabas nga operasyon.
Kabayatanna, impasigurado ni Fajardo a da Quiboloy ken dagiti padana nga akusado ti insangoda iti presscon ti PNP ken Department of the Interior and Local Government idi kalman.
