Nagballaag ti Philippine National Police kadagiti nagannak nga yadayo dagiti annakda iti online games ken social media discussions a mangaw-awis iti riknada iti kinaranggas.
Segun ken ni PNP Chief Jose Melencio Nartatez Jr., ti ballaag ket kalpasan ti napasamak idiay Calabazron a pito nga agtutubo – pakairamanan dagiti 5 a lalaki ken 2 a babai ti naipaima iti social welfare office.
Dagiti agtutubo ket inobserbaran ti Anti-Cybercrime Group iti uneg ti nakurang 2 a lawas gapu kadagiti online a patangan mainaig iti mass shooting.
Mapapati a mangipakpakita dagiti menor de edad kadagiti ladawan ken video dagiti napasamak nga school shooting, dagiti agplamplano nga agaramat iti Molotov cocktails, bomba ken fire extinguisher tapno mabulsek, ken agikawkawes kadagiti lupot a Nazi ti temana.
