Nagballaag ti Philippine National Police (PNP) kadagiti kandidato kontra pannakainaig ti kinaranggas, vote buying ken dadduma pay nga illegal activities a mangnayon ti pananggundaway iti eleksyon kasaruno ti panagrugin ti kampania para iti local positions.
Segun ken ni PNP Chief Gen. Rommel Francisco Marbil, nakasagana ti police units a salakniban ti democratic process tapno masigurado a natalged ti campaign period.
Pinalagipan ni Marbil dagiti kandidato, political parties ken publiko a ti vote buying ken vote selling ket seryoso a panaglabsing iti salinong ti Batas Pambansa 881 wenno ti Omnibus Election Code ta dagiti maaktoan ket makemmeg ken madusa.
Impaganetgetna a saanda nga ipalubos iti aniaman a klase ti election-related violence wenno illegal activities a mangbutbuteng iti integridad iti eleksyon.
