Nagballaag ti Philippine National Police (PNP) kadagiti content creator kontra iti panagaramat iti peke a crime incident para iti social media kalpasan ti insidente a nakairamanan ti maysa a vlogger idiay Cebu.
Napilaan iti reklamo ti vlogger kalpasan nga impost-na a ti viral a video ti panagriri iti maysa a bus idiay Cebu ket maysa a pasamak ti panagtakawan.
Segun ken ni PNP Chief Police General Nicolas Torre III, awan dakesna ti agaramid iti fictional content no la ket nalawag ti amin a daytoy ket paglinglingayan laeng.
Innayonna pay nga ti panagaramat ti content a makadadael ken mangted ti dakes nga impresyon iti sabali a tao ken malabsingna pay dagiti paglintegan ti pagilian.
Kabayatanna, ti vlogger ket sumangsango iti unlawful use of means of publication ken unlawful utterances iti salinong ti Revised Penal Code, nga adda pakainaiganna iti Cybercrime Prevention Act of 2012.
