--Ads--
Nagballaag ti Philippine National Police iti publiko nga agridam kontra iti cryptocurrency scam ken dadduma pay nga online investment scheme.
Dayta ket kalpasan a nairekord ti kapulisan ti 311 a kaso ti investment scam idi 2025, agraman ti 12 a cryptocurrency-related scam.
Segun iti PNP, masansan a maguyugoy dagiti biktima babaen iti kari nga adu ti mapastrekda.
Iti damo ket palubosanda pay laeng ti withdrawal tapno maala ti talek ti biktima, sakbay nga i-block-da ti access iti kuarta.
-- ADVERTISEMENT --
Inallukoy met ni PNP Chief Police General Jose Melencio Nartatez Jr dagiti biktima nga ireport dagiti kas ti nasao nga insidente.
