Mangideploy ti Philippine National Police iti pulis iti intero a pagilian tapno masigurado ti seguridad kadagiti pagadalan, transport hub, ken major road iti umadani a panaglukat ti klase inton June 8, 2026.
Iti maysa nga statement, pinasingkedan ni PNP Chief Police General Jose Melencio Nartatez Jr a nabilin dagiti police unit iti intero a pagilian a pabilgen ti visibility patrol, traffic management, ken public assistance operation.
Agpokus ti PNP iti nainget a traffic management, napabileg nga street patrol, ken panangikkat iti ania man a pangta wenno gang activity iti asideg dagiti pagadalan.
Nabilin pay dagiti police commander iti intero a pagilian a makibinnulig kadagiti school administrator, barangay official, ken local traffic management offices tapno pagtalinaedenda ti kappia ken urnos iti aglawlaw dagiti pagadalan.
Pinalagipan met ti kapulisan ti publiko nga agridam kabayatan ti panaglukat ti klase, nangruna kadagiti natao a lugar a posible a pakaaramidan ti panagtakaw, scam, ken dadduma pay a krimen.
